Чэрвеньскі раённы выканаўчы камітэт

Свежыя пачынанні. Ліпы, бярозы і вастралістыя клёны зараз будуць упрыгожваць тэрыторыю школы № 2 у Калодзішчах. Зялёную алею з пяці дзясяткаў дрэў высадзілі ў гонар Года народнага адзінства. Ініцыятарамі дабрачыннага праекта выступілі супрацоўнікі філіяла па Мінскай вобласці найбуйнейшай страхавой арганізацыі нашай краіны. Ёй, дарэчы, сёлета спаўняецца 100 гадоў. Добрую ініцыятыву падтрымалі вучні і настаўнікі Калодзішчанскай школы, а таксама кіраўніцтва Мінскага раёна. А саджанцы выдзеліла мясцовае лясніцтва. Нагадаем, сучасная ўстанова адукацыі больш чым на 700 школьнікаў адсвяткавала наваселле ў пачатку верасня.

Дырэктар спаборніцтваў FIS па скачках на лыжах з трампліна Сандра Перціле з 8 па 10 лістапада наведаў Беларусь, паведамілі БЕЛТА ў НАК.

Драўляныя, чыгунныя, каменныя, электрычныя... У Мінскім абласным краязнаўчым музеі ў Маладзечне - выстава рарытэтных прасаў. Звыклыя для кожнага бытавыя прыборы пераадолелі эвалюцыйны шлях больш як 2 000 гадоў. Першыя з'явіліся яшчэ ў Старажытнай Грэцыі.

Новая аўтастаянка і пешаходныя дарожкі, дадатковае вулічнае асвятленне і месцы адпачынку. У Маладзечанскай цэнтральнай раённай бальніцы завяршаецца капітальная рэканструкцыя і добраўпарадкаванне сумежнай тэрыторыі. Тэрміны і якасць выканання рамонтных работ на кантролі кіраўніцтва Мінскай вобласці. Ацаніць камфортную інфраструктуру пацыенты і самі медыкі змогуць ужо з канца снежня.

Дзіцячы сад - пачатковую школу нумар 15 урачыста адкрылі 8 лістапада ў мікрараёне Усходні ў Маладзечне. Узводзіць вучэбна-педагагічны комплекс пачалі ў 2020 годзе. Новая ўстанова разлічана на 471 дзіця, сярод якіх 150 дашкольнікаў і 321 вучань першай ступені адукацыі.

7 лістапада ў Беларусі адзначаецца Дзень Вялікай Кастрычніцкай сацыялістычнай рэвалюцыі. На гарадской плошчы ля помніка правадыру рэвалюцыі Уладзіміру Леніну сабраліся прадстаўнікі раённай адміністрацыі, члены раённай арганізацыі Камуністычнай партыі Беларусі, раённага Савета ветэранаў, прадстаўнікі грамадскіх і прафсаюзных арганізацый, працоўных калектываў, ветэраны працы і моладзь Чэрвеншчыны.

У Валожыне з’явілася ўніверсальная спартыўная пляцоўка каля фізкультурна-аздараўленчага комплексу. Аб’ект абсталяваны такім чынам, што аматары здаровага ладу жыцця могуць пазаймацца тут валейболам, баскетболам, стрытболам, хакеем, а таксама пакатацца на каньках.

Двухмільённы рубеж па нарыхтоўцы збожжа пераадолелі аграрыі Мінскай вобласці. Вага каравая павялічылася за кошт кукурузы: гэта плюс 400 тысяч тон. Цалкам убраць катахі плануюць да канца тыдня. Завяршаецца і ўборка цукровых буракоў. Тым часам аграрыі рэгіёна рыхтуюць глебу пад будучы ўраджай.

Уборка цукровых буракоў завяршаецца ў Мінскай вобласці - засталося апрацаваць 15 працэнтаў плошчаў. Сабрана больш за мільён тон салодкіх карняплодаў. Ураджайнасць добрая - 419 цэнтнераў з гектара. Многія гаспадаркі, у тым ліку і ў Слуцкім раёне, пастаўляюць цукровыя буракі на перапрацоўчыя прадпрыемствы. Так, у гаспадарцы "Казловічы-Агра" актыўна працуюць са Слуцкім цукровым камбінатам.

Намеснік старшыні Мінаблвыканкама Аляксандр Кручанаў адзначыў, што гэта знамянальная падзея і для Мінскай вобласці, і для жыхароў Мядзельшчыны. Гэты аб'ект - часціца энергетычнай бяспекі краіны. Чатыры аналагічныя аб'екты ўжо ўведзены ў эксплуатацыю ў Мінскай вобласці. У перспектыве - яшчэ сем.