Чэрвеньскі раённы выканаўчы камітэт

14 мая Прэзідэнт Беларусі Аляксандр Лукашэнка наведаў фермерскі экарынак, размешчаны на плошчах гандлёвага комплексу "Валяр'янава" ў Мінскім раёне.

Новы трэнд для кар'ерных самазвалаў-гігантаў! Беларускі аўтазавод працягвае выпрабаванні дызель-тралейвоза. Машына, якая працуе па прынцыпе трамвая або тралейбуса ў экстрэмальных умовах здабычы карысных выкапняў на вялікай глыбіні. У такіх БелАЗах ужо зацікаўлены прамыслоўцы з расійскага Сахаліна, а таксама з Узбекістана. Першая экспартная партыя з Жодзіна адправіцца заказчыкам у наступным годзе.

Горад-музей - старадаўні Нясвіж працягвае добраўпарадкаванне гістарычных тэрыторый і будаўніцтва новых аб'ектаў сацыяльнага прызначэння. Так, у найбліжэйшых планах стварэнне камфортнай пешаходнай зоны ў цэнтральнай частцы Нясвіжа. Ад Слуцкай брамы да касцёла Божага цела, а таксама да бенедыктынскага манастыра прадугледжана прастора без транспарту. Каб вывесці легкавыя аўто і бусы з цэнтра, для іх створаць спецыяльную пляцоўку. А гасцей горада ад вуліцы Кутузава да турыстычных маршрутаў будуць дастаўляць электробусы і электрамабілі. Запланавана i адкрыццё музея рэтрааўтамабіляў, а таксама мастацкай галерэі.

Генеральны дырэктар ААТ "БЕЛАЗ" Сяргей Нікіфаровіч і рэктар Санкт-Пецярбургскага горнага ўніверсітэта (СПГУ) Уладзімір Літвіненка падпісалі пагадненне аб супрацоўніцтве. Ужо ў верасні ў адной з найбуйнейшых расійскіх ВНУ па горнай справе пачнуць працаваць сучасныя спецыялізаваныя аўдыторыі, аснашчаныя эксклюзіўным абсталяваннем, паведамілі БЕЛТА ў прэс-службе беларускага прадпрыемства.

Маштабная аграпрамысловая выстаўка "Белагра-2021" пройдзе 1-5 чэрвеня на тэрыторыі Кітайска-беларускага парка "Вялікі камень". Аб гэтым расказаў намеснік міністра сельскай гаспадаркі і харчавання Аляксей Багданаў у інтэрв'ю праграме "Тыдзень" на тэлеканале СТБ, паведамляе БЕЛТА.

Прэзідэнт Беларусі Аляксандр Лукашэнка 30 красавіка прызначыў Аляксандра Астрэйка начальнікам упраўлення ўнутраных спраў Мінскага аблвыканкама. А 4 мая падначаленым яго прадставіў кіраўнік МУС Іван Кубракоў, паведаміў minobl.mvd.gov.by.

Адбылася ўрачыстая цырымонія ўзнагароджання пераможцаў штогадовага рэспубліканскага конкурсу «На лепшае дасягненне ў будаўнічай галіне Рэспублікі Беларусь».

Знакавую дату адзначае ў гэтым годзе Мінскі абласны драматычны тэатр - 30-годдзе з дня заснавання. Урачыстыя мерапрыемствы калектыў запланаваў на 13 траўня. Яны пачнуцца з віншавальнай праграмы «У тэатра юбілей», а скончацца драматычнай баладай «Не пакідай мяне» паводле п'есы Аляксея Дударава.

Дырэктарам Нацыянальнага гісторыка-культурнага музея-запаведніка "Нясвіж" назначаны Дзмітрый Яшчанка, паведамілі БЕЛТА ў Міністэрстве культуры.

Напярэдадні аднаго з самых значных хрысціянскіх свят Вялікадня Музей беларускага народнага мастацтва ў Раўбічах правёў майстар-клас па роспісе велікодных яек. Выкарыстоўваючы самыя яркія фарбы і натуральны воск, удзельнікі майстар-класа распісалі сырыя яйкі, як таго і патрабуе традыцыя.