На прыгарадных і міжгародніх маршрутах будуць курсіраваць камфартабельныя аўтобусы і маршрутныя таксі. Дадатковы транспарт пусцяць з Мiнска, Беразіно, пасёлка Плешчаніцы, аграгарадкоў Зембін і Лошніца, вёсак Жыцькава, Неманіцы, Метча і Глівін.
Акрамя таго, у дзень правядзення фестывалю-кірмашу ў Барысаве будзе хадзіць дадатковы транспарт па гарадскіх маршрутах №9, 10 з інтэрвалам 8 мін. (адпраўка па меры запаўнення аўтобусаў). Усяго ў гэты дзень па Барысаве будзе курсіраваць 12 адзінак дадатковай аўтобуснай тэхнікі з трох пунктаў.
У горадзе быў створаны спецыяльны дыспетчарскі пункт, што дазволіць службам аператыўна рэагаваць на любыя змены дарожнай абстаноўкі.
Як паведамлялася, абласныя "Дажынкі" пройдуць у Барысаве 12 кастрычніка, мерапрыемства збярэ каля 15 тыс. чалавек. Традыцыйна на вуліцах горада разгорнецца выстава-кірмаш, будуць працаваць творчыя пляцоўкі і горад майстроў. Канцэрт і ўзнагароджанне працаўнікоў вёскі адбудзецца пад адкрытым небам на стадыёне "Барысаў-Арэна".
Карта сайта