У ходзе пасяджэння былі ўнесены прапановы па рэалізацыі плана дзейнасці назіральнага савета на бягучы год, абмеркаваны пытанні актуалізацыі стратэгіі развіцця холдынгу "БЕЛАЗ-ХОЛДЫНГ" на 2016-2020 гады і асноўныя напрамкі яго развіцця на 2021-2030 гады. Падведзены таксама вынікі гаспадарчай дзейнасці за I квартал, прадстаўлены папярэднія вынікі выканання прагнозных паказчыкаў за першае паўгоддзе 2019 года, разгледжаны іншыя пытанні парадку дня.
Да пачатку працы назіральнага савета Міхаіл Мясніковіч агледзеў цэхі асноўнай вытворчасці, тэхналагічнае абсталяванне, прадукцыю і ўзоры кар'ернай тэхнікі. З кіраўнікамі прадпрыемства і завадскіх падраздзяленняў былі абмеркаваныя рабочыя пытанні.
ААТ «БЕЛАЗ» - кіруючая кампанія холдынгу "БЕЛАЗ-ХОЛДЫНГ" — найбуйнейшы сусветны вытворца кар'ерных самазвалаў вялікай і асабліва вялікай грузападымальнасці, а таксама іншага цяжкага транспартнага абсталявання, што прымяняецца ў горназдабыўной і будаўнічай галінах прамысловасці.
Асноўнымі спажыўцамі прадукцыі беларускага аўтамабільнага завода з'яўляюцца горназдабыўныя прадпрыемствы СНД і, перш за ўсё, Расіі, Украіны. У Рэспубліцы Беларусь рынак кар'ерных самазвалаў грузападымальнасцю 30-55 тон абмежаваны выкарыстаннем іх толькі некалькімі здабываючымі прадпрыемствамі, у кар'ерах якіх завод праводзіць і выпрабаванні гэтай тэхнікі. Ажыццяўляецца пастаўка самазвалаў і на рынкі краін далёкага замежжа.
Карта сайта