Дабудавалі тэрапеўтычны корпус Мінскай цэнтральнай раённай бальніцы, два інтэрната для медработнікаў у п.Лясны Мінскага раёна. Пасля рэканструкцыі адкрыліся хірургічны корпус Стаўбцоўскай ЦРБ, інтэрнат для медыкаў, амбулаторыя ў Астрашыцкім Гарадку і памяшканне пад камп'ютарны тамограф у Вілейскай ЦРБ. Былі мадэрнізаваны памяшканні пад устаноўку МРТ у Маладзечанскай ЦРБ, кабінеты пад рэнтгенадыягнастычны апарат - у Мінскім абласным супрацьтуберкулёзным дыспансеры і Жодзінскай ЦГБ.
Летась ва ўстановах аховы здароўя замянілі 49 ліфтаў на суму 4,6 млн рублёў. На інфарматызацыю выдаткавана 1,25 млн. рублёў, на пажарную бяспеку - 2,48 млн.рублёў.
Акрамя таго, на ўмацаванне матэрыяльна-тэхнічнай базы, на будаўніцтва і рэканструкцыю ўстаноў аховы здароўя, з абласнога бюджэту было накіравана 53,3 млн.рублёў. З іх на перааснашчэнне медыцынскім абсталяваннем - 11,8 млн. рублёў.
Дарэчы, у Мінскай вобласці працуюць 22 цэнтральныя раённыя бальніцы, Жодзінская гарадская бальніца, 8 абласных устаноў аховы здароўя, 39 участковых бальніц, 150 урачэбных амбулаторый, 373 фельчарска-акушэрскіх пункты, 18 бальніц сястрынскага догляду, 622 амбулаторна-паліклінічных установы і 3 станцыі пералівання крыві. Служба хуткай медыцынскай дапамогі прадстаўлена 24 станцыямі хуткай меддапамогі.
Карта сайта