На мерапрыемства завіталі моладзь і людзі старэйшага ўзросту. Анастасія Юр’еўна расказала пра ролю сям’і і сямейных каштоўнасцей ў нашым жыцці, у якім узросце зараз уступаюць у шлюб хлопцы і дзяўчаты, пра рост паўторных народзін, пра шлюб з іншаземцамі. Галоўны спецыяліст узгадала прысутным прытчу, звязаную з сямейнымі адносінамі паміж мужам і жонкай. Госці мерапрыемства задавалі хвалюючыя іх пытанні спецыялісту. Актыўны ўдзел у сустрэчы прынялі Галіна Уладзіміраўна Прышывалка, Яна Кукаценка, Дзяніс Гуменюк.
Для прысутных бібліятэкар Вольга Стрыжанкова правяла забаўляльную праграму. Яна задавала загадкі, чытала прыказкі і прымаўкі пра каханне і выхаванне ў сям’і. Задавала пытанні бабулям, на веданне казак і мультыплікацыйных фільмаў, якія яны чытаюць сваім унукам.
Потым бібліёграф Алена Шульга правяла агляд літаратуры па тэме. Удзельнікаў мерапрыемства зацікавілі артыкулы з часопісаў “Для всей семьи любимая”, “Алеся”, “Истории из жизни”, “Психология и я”, “Домашний журнал”.
Напрыканцы сустрэчы ўсіх удзельнікаў павіншавалі са святам і ўручылі кветкі.
Святлана ЖДАНОВІЧ,
загадчыца аддзела
абслугоўвання і інфармацыі
Чэрвеньскай цэнтральнай
раённай бібліятэкі
Карта сайта