Больш пяцідзесяці юных піяністаў з розных куточкаў Беларусі сабраліся ў Любані на фестываль-конкурс “Беларускія карцінкі-2018”, каб прадэманстраваць сваё майстэрства ігры на фартэпіяна. Бралі ў ім ўдзел і навучэнцы Чэрвеньскай дзіцячай школы мастацтваў.
Ігру юных музыкантаў ацэньвала журы з Белдзяржфілармоніі, Беларускай дзяржаўнай акадэміі музыкі, Мінскага дзяржаўнага каледжа мастацтваў, Мінскага дзяржаўнага музычнага каледжа імя Глінкі.
Праслухоўванне праходзіла ў трох узроставых групах. Нашу школу ў малодшай групе прадстаўляла Арына Дзітман (клас Таццяны Мікалаеўны Чыстай), сярэднюю – Аліна Зыль (клас Маргарыты Леанідаўны Коршунавай) і Лізавета Лазоўская (клас Галіны Мікалаеўны Прышывалка).
Журы станоўча ацаніла вынікі работы педагогаў Чэрвеньскай школы мастацтваў па падрыхтоўцы вучняў, павіншавала з паспяховым іх выступленнем і ўручыла ўдзельнікам Граматы фестывалю-конкурсу.
Людміла ДАРАГУЖ, выкладчык Чэрвеньскай дзіцячай школы мастацтваў.
Фота Галіны Прышывалка
Карта сайта