Чэрвеньская раённая выбарчая камісія зарэгістравала 43 кандыдата ў дэпутаты Чэрвеньскага раённага Савета дэпутатаў 28 склікання па 31 выбарчай акрузе. На мінулым тыдні старшыня камісіі Віталь Іванавіч Труш уручыў ім пасведчанні аб рэгістрацыі.
Віталь Труш уручае пасведчанне кандыдату ў дэпутаты па Нараўлянскай выбарчай акрузе №8 Галіне Прышывалка
На працягу месяца кандыдаты ў дэпутаты будуць сустракацца з працоўнымі калектывамі прадпрыемстваў і арганізацый раёна, а таксама з насельніцтвам.
У панядзелак з працоўным калектывам РУП “Мінская абласная сельскагаспадарчая доследная станцыя НАН Беларусі” сустрэўся кандыдат у дэпутаты Мінскага абласнога Савета дэпутатаў па Чэрвеньскай выбарчай акрузе №35 Анатоль Мікалаевіч Ульянаў. Ён расказаў аб асноўных палажэннях сваёй перадвыбарчай праграмы.
Галіна ГАМЕЗА. Фота аўтара
Карта сайта