Такое пытанне не магло не ўзнікнуць у дзяцей, якія раней адпачывалі ў гэтым аздараўленчым лагеры, што размясціўся ў былой Чарнаўской школе, а ў мінулую суботу зноў завіталі сюды на абаронна-спартыўную змену. Ды і тыя, хто прыехаў упершыню, з захапленнем і цікавасцю аглядалі тэрыторыю «Вераска», якая літаральна за два тыдні змянілася да непазнавальнасці.
А пачалося ўсё з ініцыятывы старшыні райвыканкама Андрэя Зубара, які прапанаваў добраўпарадкаваць лагер, зрабіць яго адметным і непаўторным, гасцінным і ўтульным для дзяцей. За справу ўзяліся талакою: 19 прадпрыемстваў, устаноў і арганізацый раёна, праявіўшы фантазію і творчасць, аздобілі тэрыторыю малымі архітэктурнымі формамі і мастацкімі кампазіцыямі.
Што ў выніку атрымалася, пабачылі і абмеркавалі ў пятніцу на выязной рабочай нарадзе з удзелам тых, хто прыахвоціўся да добраўпарадкавання лагера.- Змены адчувальныя, — сказаў перад аглядам тэрыторыі старшыня райвыканкама Андрэй Зубар. — Але гэта — толькі пачатак нашай сумеснай працы. Яе працягнуць іншыя арганізацыі раёна. А ўвогуле да наступнага года мы павінны цалкам давесці лагер да ладу: правесці рэканструкцыю ўнутры будынка, набыць новую мэблю, памяняць агароджу, завяршыць асфальтаванне…
Падчас агляду намеснік старшыні райвыканкама па сацыяльнай сферы і ідэалагічнай рабоце Ала Шахоцька распавяла пра ўнёсак кожнага ў добраўпарадкаванне тэрыторыі. Цэнтральную алею заасфальтавала ДРБУ-121″ (дырэктар Анатоль Урбановіч). Прыгожыя кветкавыя кампазіцыі, маляўнічае пано-візітоўку лагера стварыў тут аддзел адукацыі, спорту і турызму райвыканкама (начальнік Ларыса Асановіч). Чэвеньская ПМК-237 (дырэктар Сяргей Купровіч) адрамантавала ганак будынка і пабудавала мадэль парусніка. Смілавіцкая валяльна-лямцавая фабрыка (дырэктар Васіль Сабан) аформіла клумбу ў выглядзе валёнка. Аўтапарк №20 (дырэктар Ігар Каліта) падараваў лагеру вялікія арэлі, а прадпрыемства «Хіммедсінтэз» (дырэктар Наталля Апостал) — батут і спартыўны інывентар. Утульнай альтанкай, лавачкамі, мадэллю ракеты, матыльком аздобіў тэрыторыю камунгас. Прыватны прадпрымальнік Сяргей Коцін маляўніча аформіў пано на фасадзе будынка і вокны. Казачную кампазіцыю з альтанкай і гіпсавымі фігуркамі, арыгінальную садовую мэблю з будаўнічых паддонаў усталяваў вытворча-харчовы завод (дырэктар Васіль Лагун). Філіял «Мінаблпаліва (дырэктар Святлана Тапырык) і рыбгас «Волма» (дырэктар Аляксандр Кулікоўскі) стварылі кампазіцыю воднай тэматыкі: тут знайшлося месца і азярцу з качкамі, і чоўну, і выяве Нептуна. Рамантычнай кампазіцыяй, з паруснікам і драўляным мастком, упрыгожылі тэрыторыю псіханеўралагічны дом дом-інтэрнат (дырэктар Уладзімір Семіжон) і эксперыментальная база «Натальеўск» (дырэктар Алена Махнач). Удала дапоўнілі новае аблічча лагера вялікая альтанка лясгаса (дырэктар Андрэй Галкоўскі), гульнявыя спартыўныя пляцоўкі прадпрыемства «Ліндэкспарт» (дырэктар Сяргей Машко) і РБУ (дырэктар Аляксандр Козяр), пляцоўка для адпачынку ля вогнішча СВФ «Новыя Зелянькі» (дырэктар Уладзімір Лаўрык), а таксама месца для адпачынку на гамаках прадпрыемства меліярацыйных сістэм (Віктар Нагорны) і раённага вузла электрасувязі (начальнік Уладзімір Ламака).
Падводзячы вынікі агляду, Андрэй Зубар шчыра падзякаваў усім за зробленае. І паабяцаў, што арганізацыі-стваральнікі лепшых кампазіцый па выніках грамадскага абмеркавання будуць заахвочаны каштоўнымі падарункамі.
Ігар АДАМОВІЧ. Фота аўтара
Карта сайта