У панядзелак на Ігуменшчыне пачаўся штогадовы абласны конкурс-пленэр «Фарбы роднай зямлі».
Ён будзе доўжыцца чатыры дні. У панядзелак юныя мастакі Міншчыны малявалі ў Дукорскім маёнтку, у аўторак — на сядзібе «Вязычына». Сёння, у сераду, іх чакаюць краявіды Хутара і Чэрвеня. Падвядзенне вынікаў і ўрачыстае ўзнагароджанне адбудзецца заўтра.
Чэрвеньскую школу мастацтваў прадстаўляюць Юлія БАБРОЎСКАЯ і Мілена РАДОЎНЯ. Абедзве яны выхаванкі выкладчыка Віталя ЧАРНАЎЦА.
Усяго на пленэр прыехала 32 ўдзельнікі. Яны прадстаўляюць 22 школы мастацтваў вобласці. Ацэньваць іх работы журы будзе ў двух узроставых катэгорыях: малодшая група (11-13 гадоў) і старэйшая група (14-16 гадоў).
Наталля КАРАЛЬКЕВІЧ. Фота Таццяны ПЯНКРАТ
Карта сайта