Сёння першым у раёне перасягнуў рубеж тысячнага намалоту збожжа камбайнер эксперыментальнай базы «Натальеўск» Андрэй Гамеза.
Яго, а таксама трэцяга на Чэрвеньшчыне і ў гэтай гаспадарцы вадзіцеля-тысячніка Валерыя Хацкевіча з працоўнымі перамогамі павіншавалі старшыня раённага выканаўчага камітэта Уладзімір Навіцкі, першы намеснік старшыні райвыканкама – начальнік упраўлення па сельскай гаспадарцы і харчаванню райвыканкама Андрэй Гусараў, старшыня райкама прафсаюза АПК Ларыса Бандаровіч, дырэктар эксперыментальнай базы “Натальеўск” Сцяпан Палоннікаў і старшыня прафкама гаспадаркі Таццяна Пашкова, а таксама старшыня раённага Савета дэпутатаў Ларыса Ефіменка, намеснік старшыні райвыканкама Лідзія Шчацінка, старшыня раённага аб’яднання прафсаюзаў Вольга Коціна і начальнік аддзела ідэалагічнай работы, культуры і па справах моладзі райвыканкама Анастасія Пашкевіч.
Андрэй Гамеза і Валерый Хацкевіч атрымалі заслужаныя ўзнагароды і падарункі, а таксама музычныя віншаванні ад артыстаў раённага Цэнтра культуры і адпачынку.
Ігар АДАМОВІЧ. Фота аўтара
Карта сайта