У інтэрнэце з’явілася аб’ява аднаго з агенцтваў па нерухомасці аб продажы палацава-паркавага ансамбля Манюшкаў-Ваньковічаў у Смілавічах.
Вядомы помнік архітэктуры XIX – пачатку XX стагоддзя, які з’яўляецца гісторыка-культурнай каштоўнасцю, каля 10 гадоў таму быў прададзены з аўкцыёну тагачасным уласнікам (Мінсельгасхарчам) прыватнай кампаніі. Новыя гаспадары ачысцілі памяшканні ад смецця і зрабілі частковую рэстаўрацыю палаца, але завяршыць рэканструкцыю не ўдалося.
Зараз будынак плошчай 1142 квадратныя метры, які мае два паверхі і 30 памяшканняў, выстаўлены на продаж за 3 мільярды 743 мільёнаў 250 тысяч рублёў, што складае прыкладна 1 мільён 150 тысяч долараў. Таксама новы ўласнік атрымае ўчастак у 3,5 га, на якім, акрамя палаца, размешчаны старажытны парк.
Ігар АДАМОВІЧ
Карта сайта