Экіпаж збожжаўборачнага камбайна «КЗ-14» СВФ «Аграбуд» ААТ «Мінскжалезабетон» у складзе камбайнера Андрэя Пятрушы і памочніка камбайнера Андрэя Конана першым на Червеньшчыне перасягнуў тысячны рубеж намалоту збожжа.
З працоўнай перамогай лідараў жніва павіншаваў старшыня райвыканкама Уладзімір Навіцкі. Шчырыя віншаванні і падарункі Андрэй Пятруша і Андрэй Конан таксама атрымалі ад старшыні раённага аб’яднання прафсаюзаў Вольгі Коцінай і членаў раённай арганізацыі Беларускага саюза жанчын на чале з яе старшынёй Лідзіяй Шчацінка. Для хлебаробаў спявалі артысты народнага ансамбля народнай песні «Вербніца» раённага Цэнтра культуры і адпачынку.
Карта сайта