Дэпутаты на чале са старшыней Валянцінай Тарасік наведалі палігон ЦКА. Дырэктар ЖКГ Ігар Навіцкі паказаў, як яны працуюць па ўтрыманні палігона, выманні і сартаванні другсыравіны. Падзяліўся планамі і праблемамі. Дэпутаты падтрымалі ідэю ўстаноўкі на палігоне лініі па сартаванні смецця. Далей камісія, у рабоце якой таксама прынялі ўдзел усе старшыні сельскіх Саветаў дэпутатаў, кіраўнікі ДРС-121, лясгаса, ПМС, начальнікі землеўпарадкавальнай, экалагічнай і санітарнай службаў раена, наведалі шэраг прадпрыемстваў і устаноў раена. Дэпутаты высока ацанілі працу дырэктара Лядзенскай школы Ірыны Змачынскай і ўсяго калектыву па азеляненні тэрыторыі. Буянства яркіх фарбаў, нягледзячы на засушлівае лета падняло настрой. Ірына Змачынская падзялілася вопытам, а таксама расказала аб іншых праектах і напрамках работы з дзецьмі ў установе адукацыі. Камісія наведала ўчасткі, дзе былі знесены старыя і разбураныя дамы ў Лядзенскім сельсавеце. Старшыня Алена Гамеза рассказала пра супольную працу ПМС, лясгаса, сельвыканкама і сельгасарганізацый па зносе дамоў і ўвядзенню ў сельгасабарот свабодных участкаў. На прыкладзе ўчастка ў в. Лучча і участкаў у в. Горкі паказала, як на вызваленых землях праведзены пасеў сельгаскультур. А на прыкладзе. у в. Хутар аб працэсе гэтых работ. Камісія ўхваліла праводжаныя мерапрыемствы і даручыла старшыням усіх сельвыканкамаў паскорыць гэтую працу на месцах.
З вялікім інтарэсам дэпутаты наведалі малочна-таварную ферму. в. Хутар КСУП «Ганута-Агра». Намеснік старшыні Чэрвеньскага райвыканкама Аляксандр Шыфрын з гонарам правеў камісію па тэрыторыі фермы. Высока ацэнена праца па добраўпарадкаванні прылеглай тэрыторыі. Дэпутаты выказалі свае меркаванне і прапановы па далейшай працы ў дадзеным кірунку.
Апошнім аб'ектам, на якім працавала камісія была тэрыторыя раеннага цэнтра гігіены і эпідэміялогіі. Галоўны санітарны ўрач Мікалай Лойка правеў удзельнікаў мерапрыемства па ўсей тэрыторыі. Паказаў, што зроблена ў плане рамонту адміністрацыйнага будынка і гаспадарчых пабудоў, падзяліўся планамі на будучыню па рамонце і добраўпарадкаванні тэрыторыі. Дэпутатаў уразіла высокая якасць і аб'емы праведзеных работ пры мінімальных выдатках фінансавых сродкаў і максімальным прыцягненні працы супрацоўнікаў.
Пытанні добраўпарадкавання і навядзення парадку на зямлі будуць разгледжаны ў пятніцу 18 верасня на сесіі раеннага Савета дэпутатаў. Камісіяй вывучана праца на месцах, дадзены прапановы для ўключэння ў праект рашэння сесіі.
Карта сайта